गजल (सवाल)
मन्दिरमा मेरो नामको धुपबाती बलायौ किन
जलेकै थिएँ तिमी नजिक भएर जलायौ किन
मान्छे हुँ मपनि त मुटु हो चस्किएर दुख्छ
छलेर अर्को मुनाबाट तिमी फेरी पलायौ किन
टुटेफूँटेका सपना जोडेर जीउँने कोशिश गर्दै थिएँ
यो मनको मौन तलाउँमा पसी ढुंगा चलायौ किन
आस्था संगालेर लघाएको पर्खाल तिमीले नाँघेर
अनयासै भत्काई त्यसलाई तिमीले ढलायौ किन
मन्दिरमा मेरो नामको धुपबाती बलायौ किन
जलेकै थिएँ तिमी नजिक भएर जलायौ किन
गीता थापा (दोषी)
हाल-ईजरायल
मनमन्दिरकी देवि ठानी धुपबाती बलाएँथे गीता,
तिम्रो मेरो मुटु जोडी पि्रतको दीप जलाएँथे गीता,
भ्रममा परि बिनासित्ती मुटु किन दुखाउँछ्यौ,
पूष्प पलपल पिपीरामा तिमीसँगै पलाएँथे गीता,
तिमी नै हौ मेरो जीवन सँगै जिउने सँगै मर्ने,
दुई मुटु जोडी साथमा मौन तलाउ चलाएँथे गीता,
बिश्वास राख मनमा अडिग आश्था ढल्ने छैन कहिल्यै,
आश्था हैन निराशालाई निमोठेर ढलाएँथे गीता,
मनमन्दिरकी देवि ठानी धुपबाती बलाएँथे गीता,
तिम्रो मेरो मुटु जोडी पि्रतको दीप जलाएँथे गीता ॥
- इखालु रमेश गेलाल
Ikhalu Ramesh
सुझावको कुनो